Svanur Kristjánsson, prófessor í stjórnmálafræði skrifar grein á Kjarnann þar sem hann veltir fyrir sér framtíð Vinstri grænna.
Vinstir grænir mælast með nú með 10 prósent fylgi í skoðanakönnunum og hann bendir á að einungis tvisvar hafi stjórnmálaflokkar ekki tapað fylgi eftir að hafa verið með Sjálfstæðisflokki í ríkisstjórn. Það sé því ekki ástæða fyrir flokkinn að vera bjartsýnn.
„Í ljósi fortíðar er sennilegt að skoðanakannanir nú gefi nokkuð glögga vísbendingu um fylgi VG í næstu þingkosningum. Skemmst er einnig að minnast afhroðs VG í sveitastjórnarkosningum 2018; í Reykjavík fékk flokkurinn þá til dæmis 2700 atkvæði í stað um 14.500 atkvæða í þingkosningum árið áður.“
Hann segir að að flokkurinn geti þó gripið til aðgerða.
„Krefjast þess til dæmis að ríkisstjórnin taki miklu fastar á spillingamálum – eins og Samherjahneykslinu.“
Eitt af meginmarkmiðum ríkisstjórnarinnar hafi í upphafi verið að endurvekja traust á stjórnmálum en árangurinn sé lítill. „Spillingarmálin hrannast upp hvert af öðrum.“
Þá segir hann að ráðlegt væri fyrir Vinstri græna að breikka forystu flokksins og endurnýja sig, vilji þeir ekki að illa fari.
„Umbótaöflin á Íslandi eru í sókn. Þau myndu styrkjast enn frekar með endurnýjun VG og málefnalegri og virkri fjarlægð flokksins frá núverandi varðstöðu um óbreytt valdakerfi í landinu. Ella á VG – að mínu mati - ekkert betra skilið en að bíða afhroð í næstu þingkosningum.“
