Þorbjörn Jónsson formaður Læknafélags Íslands bendir á tölulegar staðreyndir í nýjum pistli í Læknablaðinu. Þar skoðar hann hvað ný ríkisfjármálaáætlun stjórnarflokkanna fyrir árin 2017 til 2021 þýða fyrir heilbrigðiskerfið.
Hann segir að betur megi en duga skal.
Þorbjörn bendir á að Íslendingar hafa undanfarin ár varið liðlega 8,5 prósent af vergri landsframleiðslu til heilbrigðismála. Og að undir undiskriftarsöfnun Kára Stefánsson hafi 87 þúsund kosningabærra manna skrifað undir. Í henni er krafa um að 11 prósent af landsframleiðslunni færu til heilbrigðismála.
Ennfremur að nú borgi sjúklingar úr eigin vasa 18 prósent af þeim heildarfjármunum sem varið er til heilbrigðismála.
Helgi Hjörvar, þingmaður Samfylkingar sagði í lok viðtals á Hringbraut – skaut því að í lok viðtals að hann teldi að spillingarmál, sem hann segir vera vegna Panamaskjalanna, verða ofarlega í hugum kjósenda. Líka bankabónusar.
En hvernig hafa kjósendur kosið? Jú, með því að horfa í eigin buddu og á sitt nánasta umhverfi. Hver og einn kýs fyrir sig og sína. Hætt er við að Panamaskjölin verði ekki kjósendum ofarlega í huga, heldur miklu frekar hvað flokkarnir bjóða svo kjósandinn sjái sitt líf betra. Þá hlýtur það að vera húsnæðismál; heimilisöryggi og kostnaðarminni heilbrigðisþjónusta.
