Almenningur krefst þess að sóun matvæla verði minni. Margir gera það prívat á sínum heimilum og nota matinn betur. Íslensk matvælafyrirtæki nota nýsköpun í sama tilgangi. Það er samt langur vegur frá því að mat sé ekki hent. Samtök gegn matarsóun setja reglulega á Netið myndir af grænmeti sem er hent hjá stórfyrirtækjum hér heima.
Það eru sláandi myndir.
Minnir á lambaskrokkana hér áður sem var hent á haugana til að stjórna verðinu á kjötinu.
Önnur sóun er sóun atkvæða sem er líka athyglisvert að skoða. Hlutfall þeirra kjósenda sem kusu flokk sem ekki náði á þing var tvöfalt meira en það var frá kosningunum 1934. Þetta sagði Ólafur Þ. Harðarson, prófessor í stjórnmálafræði eftir kosningarnar 2013 á Rúv.
“Dauðu atkvæðin” voru mörg þá. Það eru atkvæði fyrir flokka sem komust ekki inná á þing og voru litlu framboðin. Þetta var árið 2013 og dauðu atkvæðin voru tólf prósent af greiddum atkvæðum um landið.
Þetta er staðreynd. Ef maður kýs lítinn flokk með ólíklegan framgang, þá deyr atkvæðið manns. Lýðræðið hefur sín takmörk og manni líkar það stundum ekkert vel.
