Sósíalistar bjóða fram í borginni

Sósí­al­ista­flokk­ur Íslands ákvað á fé­lags­fundi sín­um í Rúg­brauðsgerðinn um helgina að stefna að fram­boði í Reykja­vík í borg­ar­stjórn­ar­kosn­ing­unum í vor. 

Í tilkynningu frá sósíalistum segir að fram­kvæmda­stjórn flokks­ins verði falið að und­ir­búa fram­boðið en flokk­ur­inn vilji stuðla að kröft­ugri umræðu um sveit­ar­stjórn­ar­mál meðal flokks­manna. Einnig verði kannaðir mögu­leik­ar á fram­boðum í öðrum sveit­ar­fé­lög­um.

Það er mat fé­lags­fund­ar­ins að brýnt sé að fram komi sósíal­ískt fram­boð á vett­vangi borg­ar­mála sem held­ur á lofti brýnni hags­muna­bar­áttu þeirra sem hafa orðið und­ir vegna sam­fé­lags­legs órétt­læt­is.

Seg­ir enn frem­ur í til­kynn­ing­unni að fram­boð til borg­ar­stjórn­ar sé eðli­legt fram­hald af kröfu um end­ur­reisn verka­lýðshreyf­ing­ar­inn­ar: \"Reykja­vík­ur­borg rek­ur blóðuga lág­launa­stefnu gegn launa­fólki sínu, ber mikla sök á hús­næðiskrepp­unni sem gref­ur und­an lífs­kjör­um launa­fólks og hef­ur ýtt und­ir upp­bygg­ingu hús­næðis­brasks, leigu­fyr­ir­tækja og völd verk­taka sem hafa stór­grætt á hús­næðis­vanda hinna verst settu,“ seg­ir þar.