Sólveig: „við fórnum ekki lengur tíma fyrir yfirstétt sem greiðir sér millj­arða í fjár­magn­s­tekj­ur“

„Við ris­um upp í vet­ur. Við sögðum: Við erum hér og þið skuluð venj­ast því, við erum hér, við höf­um alltaf verið hérna, nú er tími þess að við verðum öll sýni­leg runn­in upp.“

Þetta sagði Sólveig Anna Jónasdóttir formaður Eflingar í ræðu á Ingólfstorgi sem vakti mikla lukku á meðal fundargesta. Fjölmennt var í miðborginni. Á mbl.is er vitnað í Sólveigu sem sagði:

„For­herðing­in, firr­ing­in sem birt­ist okk­ur í vet­ur er vissu­lega ógeðsleg en við skul­um samt fagna henni. Þau sem hafa látið sem það væri nátt­úru­lög­mál að þau hafi enda­laus völd til að ákveða lífs­skil­yrði okk­ar, af­komu og aðstæður voru op­in­beruð sem van­stillt­ir lodd­ar­ar,“

Þá sagði Sólveig einnig í ræðunni:

„Við ris­um upp í vet­ur. Við sögðum: Við erum hér og þið skuluð venj­ast því, við erum hér, við höf­um alltaf verið hérna, nú er tími þess að við verðum öll sýni­leg runn­in upp. Sjáið sýni­legu vinnu­hend­urn­ar okk­ar og sjáið hvað ger­ist þegar við sting­um þeim í vas­ann. Þau brjáluðust, tals­menn óbreytts ástands, tals­menn al­gerra yf­ir­ráða hinna ríku,“ sagði Sólveig og bætti við:

 „Við ætl­um ekki leng­ur að fórna tíma okk­ar og lífi, okk­ur sjálf­um fyr­ir þjóðfé­lag þar sem fá­menn yf­ir­stétt greiðir sjálf­um sér millj­arða í fjár­magn­s­tekj­ur á meðan að fjöldi fólks fær aldrei um frjálst höfuð strokið.“