Það er fátt annað en éljagangur í veðurkortunum næsta daga og hartnær fimbulkuldi, en kaldast verður í innsveitum fram eftir vikunni, allt að 12 stiga gaddur svo slær í eyru.
Víða má búast við éljagangi, jafnvel talsverðum, einkanlega norðanlands, en þar verður snjókoma næstu daga á meðan heldur styttir upp á sunnanverðu landinu.
Vindur verður vart meiri en 10 m/s sem er á að giska logn miðað við óveðrin sem geysað hafa síðustu vikur.
Hann snýst svo í vaxandi suðaustanátt á föstudag og þá tekur heldur að hlýna og verður svo fram yfir helgi - og má þá jafnvel búast við smáskúrum víða um land.
Árið 2016 er sumsé byrjað með glannavetri, en umhleypingum.
