Ekkert skólahald verður í grunn- og leikskólum Vesturbyggðar og heldur ekki í skólum Hólmavíkur, í Súðavík og á Tálknafirði. Það sama á við í Þingeyjarsveit, en þar hefur skólahaldi verið aflýst í Þingeyrarskóla og í Stórutjarnarskóla
Kennsla fellur niður í Varmahlíðarskóla í Skagafirði og í leik- og grunnskólanum að Húnavöllum. Þá fellur kennsla einnig niður í grunnskólanum austan vatna í Skagafirði.
Kennsla í Grunnskóla Borgarfjarðar, að Kleppsjárnreykjum og Varmalandi, fellur niður í dag, foreldrar nemenda í Hvanneyrrardeild eru beðnir um að athuga tilkynningu og sjá til.
Búast má við að starf grunnskóla á höfuðborgarsvæðinu muni raskast í dag, en sem fyrr segir eru skólar þar opnir en foreldrar eru beðnir að fylgja yngri börnum í skóla og yfirgefa þau ekki fyrr en þau eru í öruggum höndum starfsfólks. Gera má ráð fyrir töfum á umferð, en skaplegt veður er á höfuðfborgarsvæðinun sem stendur.
