Skíðavertíðin á fullt um allt land

Skíðasvæði víða um land verða opin í dag, færi er víða gott og vel viðrar til skíðaiðkun­ar. Opið verður á skíðasvæðinu í Selja­lands­dal á Ísaf­irði frá kl. 10 og að sögn for­svars­manna skíðasvæðis­ins er veður þar „að sjálf­sögðu æðis­legt“.

Ekki er þó opið á skíðasvæðinu í Tungu­dal, því þar vant­ar enn upp á snjó að því er fram kemur í samantekt á mbl.is í morgun, en von­ir standa til að hægt verði að opna þar síðar í vik­unni eða í þeirri næstu.

Skíðasvæðið á Sigluf­irði verður opnið á milli kl 11 og 16. Klukk­an 8 í morg­un var þar 4 stiga frost, lít­ils­hátt­ar gola og heiðskírt. Í Hlíðarfjalli verður opið kl 10-16 og klukk­an 8 í morg­un var þar 6 stiga frost og 2 m/​s, sam­kvæmt upp­lýs­ing­um frá skíðasvæðinu.

Á vefsíðu skíðasvæðis­ins í Bláfjöll­um seg­ir að opið verði þar í dag á milli klukk­an 10 og 17. Bú­ist er við því að þar hvessi eft­ir há­degi og því er skíðafólk hvatt til að taka dag­inn snemma. Þar er færið troðinn og þurr snjór.

Skíðasvæðið á Dal­vík verður opið á milli klukk­an 10 og 16 í dag. Þar er, að sögn svæðis­stjóra, hið besta skíðaveður, logn og 4 stiga frost.

Þá verður skíðasvæði Tinda­stóls opið á milli kl 14 og 19 í dag. Sam­kvæmt upp­lýs­ing­um frá for­stöðumanni svæðis­ins er þar næg­ur og góður snjór.