Skattfé til bjargar áhætturekstri ekki réttlætanlegt

Bjarni Benediktsson fjármála- og efnahagsráðherra, segist hafa miklar áhyggjur af stöðu WOW air. Hann vonast áfram eftir því að farsæl niðurstaða fáist fyrir ferðaþjónustuna í landinu en segir ekkert réttlæta það að setja skattfé í áhætturekstur. Mbl.is greinir frá.

„Ég hef haft mikl­ar áhyggj­ur af þessu lengi,“ seg­ir Bjarni í samtali við Mbl.is. „Við höf­um fylgst með þess­ari stöðu í lang­an tíma og við von­umst áfram eft­ir því að far­sæl niðurstaða fá­ist fyr­ir ferðaþjón­ust­una í land­inu. Það er öll­um ljóst að mikl­ir hags­mun­ir eru und­ir,“ bætir hann við.

Bjarni segist hafa haft áhyggjur af því að það tæki langan tíma að greiða úr fjárhagsvandanum. „Við erum að horfa á flugrekst­ur frá Íslandi, sem er í blóðugri alþjóðlegri sam­keppni, meðal ann­ars við mjög stór alþjóðleg fyr­ir­tæki sem eru sömu­leiðis í vanda. Svo markaðsaðstæður eru all­ar mjög erfiðar, að því er virðist, og sam­keppn­in gríðarleg.“

Bjarni segir afstöðu stjórnvalda ekki hafa breyst. „Ég hef áður sagt að við sjá­um ekki neina rétt­læt­ingu í því að setja skatt­fé inn í þenn­an áhætt­u­r­ekst­ur. Það er sú lína sem við höf­um haft og það er enn í gildi.“