Skáldkonan Þórdís Gísladóttir segir að nú sé kjörið tækifæri fyrir Rithöfundasamband Íslands til að kaupa Kántríbæ til að nýta sem aðstöðu fyrir höfunda.
Fréttablaðið greindi frá því fyrr í dag að Kantríbær væri til sölu fyrir tæpar 36 milljónir. Í fréttinni kemur fram að bókhaldsþjónusta Suðurnesja hafi keypt Kántrýbæ á Skagaströnd á nauðungaruppboði fyrir 10 milljónir og er því ásett verð eignarinnar nú rúmlega þrisvar sinnum hærra eða 35,9 milljónir.
Kántrýbær var áður í eigu hins landsfræga tónlistarmanns Hallbjörns Hjartarsonar sem rak þar veitingahús árum saman.
Í auglýsingu Fasteignasölunnar segir að hér sé á ferðinni kjörið tækifæri fyrir metnaðarfulla einstaklinga að hefja á ný rekstur í þessu landsfræga húsi. Eflaust væri hægt að nýta það sem nokkurs konar athvarf fyrir rithöfunda og listamenn enda ekki óþekkt að skapandi einstaklingar flýi borgina og komi sér fyrir í sveitasælunni til þess að fá ró og næði til að skrifa næsta sitt næsta stórverk (eða jafnvel smáverk!).
Formaðurinn, Karl Ágúst Úlfsson, tekur vel í hugmyndir félaga sinna og segist ætla að sjálfsögðu að skoða þetta enda á hann rætur að rekja til Skagastrandar.
