Hjónin Katrín Hjálmarsdóttir og Svanur Gunnarsson tóku við rekstri hinnar einu sönnu Litlu kaffistofu á Sandskeiði í nóvember síðastliðinn. Þau segjast vera í góðu sambandi við fjölmarga fastagesti og fara í einu og öllu eftir óskum þeirra um veitingar. Einnig hafa þau aukið þjónustu við vinnandi menn með fjölbreyttan og „gamaldags“ hádegismat. Ferðalagið skrapp í pönsur á kaffistofuna.
Í apríl í fyrra tóku nýjir rekstraraðilar við rekstrinum af Stefáni Þormari Guðmundssyni sem rak staðinn í tæplega aldarfjórðung eða frá árinu 1992 eða í tæpan aldarfjórðung.
Olís á húsið en Katrín og Svanur leigja af þeim og reka staðinn sem er mörgum fastur punktur í tilverunni – og á tímum afar nauðsynlegur þegar illa veðrar á Hellisheiði. Katrín og Svavar segjast ekki enn hafa lent í því að halda utan um stóra hópa vegfarenda þegar ófærð verður á heiðinni en þekkt er að kaffistofan leikur lykilhlutverk þegar yfir fennir á Sandskeiði.
