Spákonan Sigga Kling segist einu sinni hafa upplifað ástarsorg, þegar hún var átján ára gömul og að í kjölfarið hafi hún reynt að fyrirfara sér.
Sigga opnaði sig um málið í einlægu viðtali í viðtalsliðnum Hitasætið í þættinum Veislan á Fm957 í gær.
Sigga segist hafa haldið á fyrsta ástin væri allt, hún hafi upplifað gríðarlega ástarsorg. „Ég varð svo sorgmædd að ég var búin að safna saman pillum og át þær allar.“
Í örvæntingu hafi hún verið búin að skrifa skilaboð til allra nánustu aðstandenda en hún hafi svo skriðið út úr húsinu og fundist á stigagangi og í kjölfarið hafi hún verið send á bráðamóttöku.
Að sögn Siggu má ekki vanmeta þær sterku tilfinningar sem fólk getur fundið í ástarsorg, sérstaklega ekki í kringum fyrstu ástina. Sjálf segist Sigga ekki muna eftir verri tilfinningum en einmitt þá, þrátt fyrir að hafa lent í ýmsu.
Hægt er að lesa og hlusta á viðtalið við Siggu í heild sinni hér.
Í þessari grein er fjallað um sjálfsvíg og er fólk með sjálfsvígshugsanir minnt á Píeta samtökin.
Síminn hjá Pieta-samtökunum er jafnframt opinn allan sólarhringinn og er 552-2218 og vefsíðan pieta.is.
