Sex daga stríðið var á milli Ísraels annars vegar og Egyptalands og Sýrlands og Jórdaníu hins vegar. Sex daga stríð - einnig kallað júní stríð- var háð 5. til 10. júni árið 1967 fyrir fimmtíu árum. Stríðið var ekki einangraður atburður því Ísraelar og Arabar hafa átt í deilum allt frá stofnun ríkis Gyðinga árið 1948.
Átökin árið 1967 áttu sér nokkurn aðdraganda. Kornið sem fyllti mælinn var þegar Eygptar lokuðu allri umferð ísraelskra skipa um Tíransundið og lokuð því siglingaleið Ísraela til Eilata sem er eina hafnarborgar Ísraels við Rauða hafið. Hinn 5. júni árið 1967 gerðu Ísraelar án fyrirvara víðtækar loftárásir á skotmörk í Egyptalandi og víðar.
Ísreal náði yfirráðum yfir Sínaí-skaga og Gaza-svæðinu sem og Vesturbakka Jórdanár auk austurhluta Jerúsalem borgar og einnig Gólan hæðunum. Afleiðingar stríðsins hafa enn í dag afgerandi áhrif á stjórnmál í Mið-Austurlöndum og víðar um heim. Deilt er um yfirráð Ísrael yfir þessum svæðum og sér ekki fyrir endann á þeirri deilu.
rtá
