Sér­náms­læknir segir dánar­líkur vegna Co­vid-19 vera einn á móti fimm fyrir á­kveðna aldurs­hópa

Jón Magnús Jóhannes­son, sér­náms­læknir Land­spítalans og fyrrum starfs­maður Co­vid-19 göngu­deildarinnar, varar við mis­vísandi fréttum sem gera lítið úr Co­vid-far­aldrinum í Facebook hópnum Vísindi í íslenskum fjölmiðlum.

Jón vísar í grein Morgunblaðsins þar sem að­gerðir stjórn­valda gegn far­aldrinum eru sagðar of harðar. „Þetta er mjög mis­vísandi grein af marg­þættum á­stæðum til þess fallið að draga úr raun­veru­legri hættu tengt Co­vid-19.“

Mis­mikil hætta

Það liggi fyrir að fólki stafi mis­mikil hætta af sjúk­dómnum og því sé ekki hægt að halda því fram að það séu 1/500 líkur á því að deyja vegna Co­vid-19 á ís­landi.

„Þar að auki er í raun ekki gagn­legt að koma með eina tölu yfir heildina.“ Sjúk­dómurinn hafi mis­mikil á­hrif milli aldurs­hópa. „Þar sem að yngri ein­staklingar eru ó­lík­legri til að deyja vegna CO­VID-19 lækkar þetta heildar­dánar­hlut­fallið um­tals­vert,“ í­trekar Jón.

Ekki lágar tölur

Staðan sé önnur hjá eldri kyn­slóðinni. „Ein­staklingar milli 70 og 80 ára virðast vera í 5 til 10 prósent líkum á að deyja vegna CO­VID-19. Sömu líkur fyrir 80 ára og eldri eru 10 til 20 prósent,“ bætir hann við.

„Þetta eru EKKI lágar tölur.“ Fyrir ein­stak­linga í þessum aldurs­hóp séu líkurnar frá því að vera einn á móti tuttugu upp í að vera einn á móti fimm að mati Jóns.

Aukin hætta sé til staðar hjá þeim sem fyrir hafa undir­liggjandi sjúk­dóma. „Þetta er þannig gífur­leg hætta á dauðs­föllum í stórum hópi ein­stak­linga.“

Lífið ekki samt á næstunni

Það sé á á­byrgð lands­manna að hafa hag ein­stak­linga í á­hættu­hóp fyrir brjósti sér og gera ekki lítið úr þessari hættu­legu sýkingu.

„Nú þegar hafa tæpir 850.000 ein­staklingar dáið vegna CO­VID-19 og far­aldurinn er langt frá því að vera búinn. Það er útópía að halda að lífið geti farið í samt horf á næstunni.“