Greiningardeildin telur að undirliggjandi verðbólguþrýstingur haldi áfram að aukast. „Samsetning verðbólgunnar er að taka breytingum og vegur húsnæðisverð ekki jafn þungt og áður. Á móti kemur að innfluttar vörur eru hættar að vega á móti innlendum verðbólguþrýstingi eftir því sem gengisáhrifin fjara út,“ segir í hagvaxtarspánni.
Greiningardeildin spáir óbreyttum meginvöxtum út árið. Ekki sé hlaupið að því að setja fram stýrivaxtaspá, þar sem framtíð núverandi peningastefnu sé óljós. Núna sé allt á huldu um það hvort húsnæðisverð verði tekið út úr neysluverðsvísitölunni, hvort fjármálastöðugleiki trompi verðstöðugleika eða hvort kjölfesta verðbólguvæntinga haldi þegar á hólminn er komið. Allt þetta muni skipta máli fyrir vaxtaþróun.
Þá segir greiningardeildin að þrátt fyrir að farið sé að hægja á hagkerfinu hafi óvissan á vinnumarkaði aukist ef eitthvað. Fjöldi kjarasamninga losnar á næsta ári og virðist ljóst að kjarabaráttan verði hörð.
Nánar á
http://www.ruv.is/frett/segja-islensku-kronuna-vera-of-sterka
