\"Það er rétt hjá fjármálaráðherra að þetta eru söguleg tíðindi. Þetta er örugglega stærsta efnahagsaðgerð Íslandssögunnar. En þetta er líka í rauninni heimssögulegt. Vegna þess að þeir erlendu sérfræðingar sem hafa komið að þessu með okkur hafa allir sagt að þetta hafi hvergi gerst áður. Að kröfuhafar með þessum hætti hafi sjálfir séð um að fjármagna það að aflétta höftum,“ sagði Sigmundur Davíð í fréttinni.
Hann metur það svo að staða landsins í lok þessa ferils verði orðin allt önnur og miklu betri efnahagsleg: \"Við verðum í stöðu til að halda áfram að tryggja áfram velferð fyrir alla á Íslandi.“
Samkvæmt greiningu Seðlabankans munu um 490 milljarðar renna í ríkissjóð að því er segir í frétt RÚV. Upphæðin geti hækkað um 100 milljarða fáist hærra verð fyrir lykileignir. Forsætisráðherra var spurður hvort sú upphæð sé ekki undir þeim tölum sem kynntar voru í upphafi?
\"Ja, ef við spáum í hvað var talað um í upphafi þá hafði náttúrulega enginn trú á því að þetta gæti gengið. Það þótti jafnvel fáránlegt að það væri hægt að sækja eitthvað fjármagn í þessi slitabú fyrir ekki svo löngu síðan. Það er líka mikilvægt að hafa í huga þegar verið er að skoða upphæðir að jú, þarna eru 500 milljarðar sirka í framlag. Til viðbótar við það eru svo 380 milljarðar í öðrum ráðstöfunum. Þetta getur auk þess hækkað ef þörf er fyrir það. Það er nú eitt af því sem er sniðugt við þessa leið að ef umfang vandans reynist meira þá aukast greiðslurnar til að takast á við þann vanda,“ sagði forsætisráðherra á R\UV í gærkvöld
