Segir tak­mörkun á notkun flug­elda geta fækkað ferða­mönnum

Jóhannes Þ. Skúla­son, fram­kvæmda­stjóri Sam­taka ferða­þjónustunnar, tekur ekki vel í hug­myndir um að tak­marka notkun flug­elda hér á landi, að því fram kemur í kvöld­fréttum RÚV í kvöld.

Þar var meðal annars rætt við Þór­ólf Guðna­son, sótt­varnar­lækni, sem situr starfs­hópi á vegum um­hverfis­ráð­herra sem á að skila inn til­lögum um hvort og með hvaða hætti eigi að tak­marka notkun flug­elda.

„Það er nauð­syn­legt að draga úr þessu á ein­hvern máta og koma þannig til móts við ein­stak­linga sem eru við­kvæmir fyrir og fá veru­leg ein­kenni út úr þessari mengun. Það er ekki nokkur spurning,“ segir Þór­ólfur.

Jóhannes bendir hins vegar á að ferða­menn komi til Ís­lands til að upp­lifa sjónar­spilið sem fylgi flug­elda­notkun. „Þeir eru vissu­lega að koma hérna um ára­mótin kannski frekar en um jól til þess að upp­lifa að hluta til það sjónar­spil sem er hér í flug­eldunum á gaml­árs­kvöld.

Við sjáum að það er efni sem er mikið deilt á sam­fé­lags­miðlum og er góð aug­lýsing líka fyrir Ís­land sem ferða­manna­land. Þannig að það er svona fleira sem hangir á spítunni en svif­ryk þegar menn horfa til þess hvort það eigi að grípa eitt­hvað inn í flug­eldana eins og þeir eru í dag,“ segir Jóhannes.

„Ég held að út frá sjónar­miðunum um það hversu mikil verð­mæti við viljum skapa af ferða­mennsku á Ís­landi þá held ég að bann á flug­eldum á gaml­árs­kvöld væri ekki góð hug­mynd.“