Mikið fjaðrafok varð í netheimum í gær í tengslum við ummæli Guðbrandar Sigurðssonar, aðstoðaryfirlögregluþjóns í umferðardeild Lögreglunnar á höfuðborgarsvæðinu, um að hann sé opinn fyrir rafskútubanni um helgar.
„Við þekkjum dæmi frá Norðurlandaþjóðum, sem við miðum okkur oft við, Dani og Svía. Seint á kvöldin og á nóttunni, sérstaklega um helgar, þá er sumstaðar ekki hægt að leigja þessi hjól. Svo eru þau forrituð þannig að þegar þú kemur inn á viss svæði þá kemstu ekki yfir gönguhraða. Þá er ég að hugsa um miðbæinn og göngugötur,“ sagði Guðbrandur.
Netverjar kepptust við að hæðast að ummælunum, þar á meðal Atli Fannar Bjarkason hjá RÚV sem sagði:
þriðja hvert hjónaband endar með skilnaði. bönnum brúðkaup (amk um helgar)
— Atli Fannar (@atlifannar) June 22, 2021
Jakob Birgisson, uppistandari, tók í svipaðan streng:
Ég legg til að áfengi verði bannað um helgar
— Jakob Birgisson (@jakobbirgis) June 22, 2021
Gunnar nokkur sagði að það hefði mátt bjarga lífi með banni:
Bara ef löggan hefði bannað stiga eftir kl 20 um helgar væri Jónas Hallgrímsson enn á lífi 😩
— gunnare (@gunnare) June 22, 2021
Vísar hann til dauða Jónasar sem rekja má til falls niður stiga.
Gísli Marteinn Baldursson, fjölmiðlamaður, sagði þá:
Ekki viss um að þetta hefði dugað. Minnir að þetta hafi verið fimmtudagsdjamm hjá Jónasi. https://t.co/Qw0HErCyqZ
— Gísli Marteinn (@gislimarteinn) June 22, 2021
Þorbjörg Sigríður Gunnlaugsdóttir , þingmaður Viðreisnar, svaraði:
Hann hefur verið brautryðjandi um það að opna helgina á finmtudag.
— Þorbjörg Gunnlaugs (@obbasigga) June 22, 2021
Gísli Marteinn lagðist í rannsóknarvinnu og komst að hinu sanna:
Flóknara en leit út: Besti vinur Jónasar Konráð Gísla segir hann hafa hrasað kvöldið 15. maí (fimmtudagsdjamm). En Konráði hlýtur að skjátlast því Jónas er á þjóðmálafundum í Köben 17. og 19. maí. Páll Vals segir hrasið vera aðfararnótt 21., sem er þriðjudagsdjamm. Lilla Torsdag. https://t.co/onvzkYyBNK
— Gísli Marteinn (@gislimarteinn) June 23, 2021
