Sárnaði á hornafirði: alltaf elskað ísland - börnin hlógu: „you black shit“

„Áreitið frá þess­um ákveðna stuðnings­manni byrjaði í þriðja leik­hluta en í fyrstu var þetta mjög sak­laust. Hann var eitt­hvað að gera grín að sokk­un­um mín­um og ég svaraði hon­um bara og þakkaði hon­um fyr­ir. Í fjórða leik­hluta fór hann hins veg­ar að vera með al­vöru for­dóma. Hann öskraði „You black shit,“ þegar ég steig á vítalín­una til þess að taka mig úr jafn­vægi. Ég ákvað að hunsa hann en hann hélt áfram að kalla mig svart­an skít í hvert skipti sem ég gerði eitt­hvað á vell­in­um.“

Þetta segir Kinu Rochford, en hann leikur með 1. Deildarliði Hamars í körfubolta. Hamar var í heimsókn á Hornafirði að keppa við Sindra. Stuðningsmaður Sindra hrópaði ítrekað níði að Rochford. Hann segir í samtali við mbl.is:

„Hann hélt svo áfram að niður­lægja mig og öskraði yfir all­an sal­inn að ástæðan fyr­ir því að Þór hefði losað sig við mig væru sú að ég væri von­laus körfu­boltamaður. Þegar fjór­ar  mín­út­ur voru liðnar af leik­hlut­an­um fór hann svo að kalla mig nigg­ara og negra. Þetta gerðist ekki einu sinni eða tvisvar, hann hrópaði þetta í átt að mér stöðugt. „Hey negri, þú ert öm­ur­leg­ur,“ sagði hann stöðugt þegar að ég var að taka víta­skot, yfir all­an sal­inn.“

Rochford kveðst hafa orðið reiður en haldið ró sinni en hafi þó fyrst og fremst sárnað. Hann segist hafa beðið til Allah og það hafi gefið honum styrk. Þá kveðst hann aldrei hafa upplifað neitt þessu líkt á sínum ferli.

„Í fyrstu fann ég fyr­ir reiði en eft­ir á þá var ég fyrst og fremst sár. Viðbrögðin í íþrótta­hús­inu komu mér líka á óvart ef ég á að vera hrein­skil­inn. Það sagði eng­inn neitt og fólkið í kring­um þenn­an aðila sem var með for­dóma og dóna­skap í minn garð hló bara. Það versta við þetta var að það voru börn í kring­um hann sem hlógu að kynþátta­for­dóm­un­um.“

Þá segir Rochford á öðrum stað að hann elski Ísland og hér líði honum vel.

„Hér býr fólk sem er með mis­jafnt þjóðerni og því hef­ur tek­ist að aðlag­ast á Íslandi. Þetta er land ákveðna tæki­færa og hér get­ur fólk verið það sjálft og þarf ekki að þykj­ast [...] Mér hef­ur liðið mjög vel á Íslandi frá því ég kom hérna og ég elska landið.“

Sindri hefur sent frá sér afsökunarbeiðni vegna kynþáttaníðsins, viðeigandi bannað að koma á leiki liðsins og verður málið rannsakað frekar.