Það fór eins og spáð hafði verið í gærmorgun; samningar þeirra sex iðnaðarmannafélaga sem voru í leið í vinnustöðvun á miðnætti tókust á síðasta degi - og hefur því verkfalli, sem haft hefði víðtæk áhrif í samfélaginu, verið afstýrt.
Félögin sem skrifuðu undir kjarasamninga við Samtök atvinnulífsins hjá ríkissáttasemjara í gærkvöld voru Félag hársnyrtisveina, Grafía/FBM, Matvís, Rafiðnaðarsamband Íslands, Samiðn og Félag vélstjóra og málmtæknimanna.
Georg Páll Skúlason, formaður Grafíu/Félags bókagerðamanna, sagðist í samtali við mbl.is í gærkvöld vera vera sæmilega sáttur með kjarasamninginn miðað við allt, en þetta hafi verip löng lota og hart barist og mikiðp tekist á allan tímann. \"Maður vill auðvitað alltaf meira og leggur upp með það, en ég er sæmilega sáttur með uppskeruna,“ segir hann í samtali við vefinn.
Vikulangt verkfall iðnaðarmanna hafði verið boðað á miðnætti í gær, en því hefur nú verið aflýst.
Georg Páll segir nauðsynlegt að menn tali saman alveg til enda, til þess að reyna til þrautar að afstýra verkföllum. Það sé mjög mikilvægt fyrir alla.
