Lögmaðurinn Steinar Þór Guðgeirsson gegndi sérstöku hlutverki þegar ríkið, það er einkahlutafélag þess Lindarhvoll, seldi 17,7% eignarhlut í Klakki. Steinari, sem var einmitt stjórnarmaður í Klakki, var jafnframt falið að taka á móti tilboðum í eignarhlutinn, án þess að settar væru neinar sérstakar leikreglur. Viðskiptablað Morgunblaðsins fjallar um þetta í dag.
„Tilboðsferli við sölu Lindarhvols á 17,7% eignarhlut í Klakki var ógagnsætt. Heimildir ViðskiptaMoggans herma að samkvæmt skilmálum sem lágu fyrir er hluturinn var seldur hafi bjóðendum borið að senda boð sín á tiltekið netfang. Fyrirmælin báru ekki með sér að gerðar væru ráðstafanir til þess að tilboðin væru óopnuð þar til tilboðsfrestur væri út runninn,“ segir í Mogganum.
Niðurstaða Lindarhvols varð sú að Burlington Loan Management fékk hlutinn. En það fyrirtæki átti áður í Klakka og nú samtals 75 prósent í Klakkan en ein helsta eign Klakka er fjármálafyrirtækið Lýsing.
„Athygli vekur að lén Lindarhvols, lindarholleignir.is, þangað sem senda átti tilboðin er skráð á lögfræðistofu Steinars Þórs Guðgeirssonar sem var stjórnarmaður í Klakka þegar hluturinn var seldur.
Ekki hafa fengist svör frá Steinari Þór þrátt fyrir eftirgangsmuni, að því er fram kemur í umfjöllun um mál þetta í ViðskiptaMogganum í dag.“
