Á árinu 2015, milli þriðja ársfjórðungs 2014 og sama ársfjórðungs 2015, hækkuðu stjórnendur og sérfræðingar minnst allra starfsstétta, eða um liðlega 5%. Meðalhækkunin launavísitölunnar var rúmlega 8%, en verkafólk hækkaði mest, um 11%, og afgreiðslu- og þjónustufólk næst mest, um rúm 10%.
Þetta segir í tilkynningi frá forvígismönnum Samtaka atvinnulísfins í dag, en hún viðbragð þeirra við forsíðufrétt Fréttablaðsins í dag um árstekjur 15 forstjóra félaga í Kauphöllinni árið 2015 og samanburð við árið 2014.Niðurstaða blaðsins er að árstekjur þeirra hjá fyrirtækjunum hafi að meðaltali hækkað um 13,3% og hafi hækkanir verið á bilinu 2% til 46%.
Í tilkynningu SA segir að eflaust séu margvíslegar skýringar á þessum hækkunum, en líklegast sé að miklar sveiflur í tekjum forstjóranna megi rekja til óreglulegra og afkomutengdra greiðslna. Slíkar greiðslur geti ýmist hafa fallið niður milli ára, verið óbreyttar, breyst til hækkunar eða lækkunar eða greiddar á síðara árinu en ekki því fyrra. Þá séu dæmi um að afkomutengdar greiðslur séu greiddar út á tilteknu ári vegna árangurs fleiri en eins árs.
SA vitnar til rannsókna Hagstofu Íslands í þessum efnum: \"Niðurstaða Hagstofunnar er að regluleg laun á almennum vinnumarkaði hafi hækkað að meðaltali um 102% frá árinu 2005 til þriðja ársfjórðungs 2015. Mest hækkaði skrifstofufólk, um 123%, þá verkafólk og afgreiðslufólk, um 115%, en stjórnendur hækkuðu minnst, um 78%, og sérfræðingar næst minnst, um 85%.\"
Ef aðeins sé horft til síðasta árs samanborið við árið þar á undan hafi stjórnendur og sérfræðingar hækkað minnst allra starfsstétta, eða um liðlega 5% samkvæmt sömu rannsóknum. Meðalhækkunin launavísitölunnar hafi verið rúmlega 8%, en verkafólk hafi hækkað mest, um 11%, og afgreiðslu- og þjónustufólk næst mest, um rúm 10%.
SA
