Evrópumálin eru oftast rædd á forsendum öfga á sitthvorum enda umræðunnar. Kjarninn ræðir þetta álitamál í grein á vefnum www.kjarninn.is
Pólítiska umræða um Evrópumálin á Íslandi er þess vegna fremur rýr. Hún er einkum byggð á forsendum tveggja hópa.
Hópa sem eru staðfastir í afstöðu sinni. Annað hvort gegn ESB aðild eða hlyntir ESB aðild. Umræðan er þrungin tilfinningum og einkennist af upphrópunum frekar en kynningu á staðreyndum.
Er ESB að niðurlotum komið? Nei. Síður en svo.
Í fyrra var meiri hagsvöxtur á evrusvæði ESB en í Bandaríkjunum í fyrsta sinn frá hruninu árið 2008. Hagvöxtur hefur mælst á evrusvæðinu í fjórtán árfjórðunga í röð.
Þá dregur hratt úr atvinnuleysi innan ESB. Störfum fjölgar og jákvæðni gagnvart hagkerfinu er meiri en hún hefur mælst í sex ár.
Þá bætir ESB stöðu neytenda þvert á landamæri því innri markaðurinn verður sívirkari öllum neytendum til hagsbóta.
Hvað svo sem sagt er neikvætt um ESB á Íslandi blasir við að þó staða ESB sé líkt og oft áður nokkuð flókin þá gengur ESB flest í haginn.
Þá á auðvitða eftir að telja útgöngu Stóra-Bretlands úr ESB. Ekki er þó nokkur vegur að svo stöddu að ráða í hvernig hún muni verða. Það á einfaldlega eftir að koma í ljós.
Málefni aðkomumfólks á ESB svæðinu verða leyst. Fólki fækkar í Evrópu og brýn þörf er á innfluttu vinnuafli. Allir atvinnuvegir innan ESB þurfa vinnuafl. Einfaldara getur það ekki verið. Þegar dregur úr frjósemi kvenna er ráð að flytja inn vinnuafl.
ESB gengur í gengum erfiðleika. Um það er engin vafi. Eitt myntsvæði er ESB þyngra í skauti en t.d. lausn á málefnum aðkomufólks.
Hvað svo sem sagt er um ESB á Íslandi er eitt víst - í könnunum er afgerandi meirhluti fyrir því að Íslendingar fái að kjósa um hvort farið sé í ESB aðildarviðræður eða ekki.
Flóknara er þetta nú ekki.
Fólk er tortryggið gagnvart ESB aðild. Það vill samt fá betri upplýsingar um hvað ESB aðild Íslands merkir og hvað í henni felst.
Það vill fá að ákveða þetta sjálft.
Nánar www,kjarninn.is
