RÚV hefur verið gert að greiða eina milljón krónur í stjórnvaldssekt vegna brota á lögum um Ríkisútvarpið, að því er kemur fram í ákvörðun Fjölmiðlanefndar vegna kostunar Golfsambands Íslands á þáttaröðinni Golfið sem var á dagskrá RÚV síðasta sumar.
Síminn hf. kvartaði til fjölmiðlanefndar 23. maí 2018 og taldi fyrirtækið að RÚV hefði brotið gegn lögum með því að leyfa Golfsambandinu að kosta sjónvarpsþáttinn Golfið sem sýndur var 22. maí.
Samkvæmt lögum um er RÚV eingöngu heimilt að kosta stóra dagskráliði og útsendingar innlendra íþróttaviðburða og umfjöllun um þá.
Flétta um aðrar hliðar
„Kvað Ríkisútvarpið umfjöllun þáttanna ótvírætt falla undir heimildir 7. gr. laga um Ríkisútvarpið […] til að afla tekna með kostun við útsendingu innlendra íþróttaviðburða og umfjöllunar um þá. Í þáttunum væru helstu mótum sumarsins gerð skil,“ segir í ákvörðun Fjölmiðlanefndar um afstöðu RÚV.
Enn fremur segir að einnig „væri fléttað inn umfjöllun um hinar ýmsu hliðar golfíþróttarinnar, kynningu á golfreglum, golfvöllum, afrekskylfingum, golfkennslu og umfjöllun um keppnisgolf í Eimskipsmótaröðinni.“
