Þá sagði RÚV frá því í hádeginu að björgnarsveitin Ísólfur á Seyðisfirði fluttti sjúkling sem kom með flugi til Egilsstaða til síns heima á Seyðisfirði í morgun. Ruðningsbíll bíll hjálpaði ökumönnum niður af Fjarðarheiði áður en mokstri þar var hætt. Samkvæmt upplýsingum frá Vegagerðinni á Austurlandi á að lægja í kvöld eða nótt og fjallvegir þar verða ruddir einu sinni á morgun, jóladag, ef aðstæður leyfa.
Eins og Hringbraut gat um í morgun er vegurinn um Ólafsfjarðarmúla lokaður vegna snjóflóðahættu, en snjó kyngir niður á norðanverðu landinu - og víða skefur á svæðinu. Lægja á með kvöldinu
Þá er ófært á Sandvíkurheiði, Þverárfjalli og Siglufjarðarvegi og stórhríð í kringum Blönduós. Á Bröttubrekku er snjóþekja og stórhríð, ófært á Þröskuldum og Klettshálsi en þæfingsfærð á Steingrímsfjarðarheiði. Vegfarendum er bent á að athuga aðstæður í síma 1777 áður en lagt er af stað úr á fannbarða þjóðvegi landsins.
