Fjárframlög Íslands til öryggis- og varnamála verða líkast til aukin á næstu árum. Það var fyrirséð að Ísland myndi ekki víkja sér undan þeim kvöðum sem fylgja fyrirvaralausri aðild að alþjóðavarnarsamtökum og varnarsamningi við Bandaríkin.
Forsætisráðherra Íslands sat í gær fund ríkisoddvita Atlantshafsbandalagsins (NATO) í Brussel. Þetta er í fyrsta sinn sem hann mætir sem ríkisodddviti á slíkan fund. Nýliði á þessum fundi var líka Donald J Trump forseti Bandaríkjanna.
Ríkisoddvitarnir samþykktu að NATO tæki vaxandi þátt í stríðinu gegn hermdarverkum. Þar er fyrst og fremst átt við samtök sem kenna sig við íslam þó fjölmörg önnur hryðjuverkasamtök og glæpagengi starfi um heim allan sem hafa ekkert með íslam að gera.
Hryðjuverk er umdeilt orðtak og loðið hugtak án nokkurar almennt viðurkenndrar skilgreiningar. Sérfræðingar viku að þessu á fréttamannafundum í Brussel að loknum fundi ríkisoddvitanna.
Hryðjuverkahugtakið hefur breytt nokkuð um mynd á síðari árum. Er það sökum þess að öflug alþjóðleg hryðjuverkasamtök og glæpagengi njóta stuðnings víða um heim eða mikillar hylli innan ákveðinna þjóðfélagshópa.
Ýmiss samtök íslamskra hryðjuverkasamtak svo sem Al-Kaída og Hamas hafa valdið miklum mannskaða víða um heim og njóta verndar og stuðnings ríkisstjórna og auðmanna í ýmsum löndum svo sem í Íran og í Sádí-Arabíu.
Sérfræðingarnir í Brussel bentu á að það er ekki einfalt verk fyrir ríkisoddvita NATO að ákveða hverjir skulu teljast hryðjuverkamnenn og glæpagengi og hverjir ekki. Skilin eru því óljós og markast helst af því hver það er sem skilgreinir og hverra hagsmuna viðkomandi gætir.
rtá
