Ríkisoddvitar Atlantshafsbandalagsins (NATO) munu samþykkja að NATO láti meira að sér kveða í stríðinu gegn ríki íslam eða DAESH. Þannig mun NATO ganga til liðs við Bandaríkin og bandamenn þeirra í stríðinu gegn DAESH.
Aðalframkvæmdastjóri NATO hinn norski Jens Stoltenberg segir þetta vera pólitísk skilaboð um staðfestu allra aðildarríkja NATO og einbeittan vilja þeirra allra að leggja sitt að mörkum í þessu stríði.
Enn er óljóst hvort þetta merkir að öll NATO ríkin taki hér eftir þátt í stríðunu gegn DAESH eða hvort einstöku NATO ákveði sjálf umfang þátttöku í stríðinu.
Þetta skýrist væntanlega þegar ríkisoddvitarnir senda frá sér sameiginlega lokayfirlýsingu sína seinna í dag eða á morgu.
Fréttaskýrendur og sérfæðingar telja að fyrirhuguð ákvörðun NATO sé pólitísk því NATO ríkin tuttugu og átta hafa þegar lagt sitt að mörkum í þessu stríði.
rtá
