Reyndi að vera eins og karlarnir

Hrund Rúdolfsdóttir, forstjóri Veritast lyfjasamsteypunnar segir í viðtali á Hringbraut í kvöld að það sé óásættanlegt að enn séu til fyrirtæki sem fari ekki að lögum um að hafa að minnsta kosti 40 prósent af hvoru kyni í stjórn. Lög um það voru sett árið 2010 og tóku gildi 2013. Verandi eina konan í stjórn fyrirtækis á stundum segir Hrund að hafi verið erfitt. Reynsla Hrundar er orðin mikil af stjórnarsetum en þegar hún lítur til baka segir hún að þegar hún var eina konan í stjórn hafi hún bara \"reynt að lifa af\", til að byrja með alla vega og setja sig í sömu stellingar og karlarnir til að standa ekki út úr og vera of öðruvísi. Hinn \"krítíski massi\" kvenna í stjórnum er nauðsynlegur segir Hrund. Það er, að hafa alla vega tvær til þrjár konur í stjórn svo þær geti vegið upp á móti körlunum þar sem kynin eru klárlega ólík í viðhorfum og nálgun þeirra ólík til margra mála. Það sé sláandi að í nýlegum könnunum sjái fjöldi karla ekki tilganginn með því að hafa blandaðar stjórnir þótt þeir telji karla og konur jafn hæfa stjórnarmenn.