Um 91 prósent þeirra sem fara með fé á Íslandi eru karlar, að því er fram kom í máli Ragnhildar Steinunnar Jónsdóttur á morgunfundi Samtaka atvinnulífsins og Íslandsbanka um jafnréttismál sem haldinn var á Hilton Nordica í liðinni viku undir. Fundurinn bar yfirskriftina „Erum við forystuþjóð“?
Ragnhildur Steinunn gaf nýverið út bókina Forystuþjóð, ásamt Eddu Hermannsdóttur, samskiptafulltrúa Íslandsbanka.
Ragnhildur nefndi að á Íslandi væri lagalegt jafnrétti mikið, en pottur væri þó enn víða brotinn í jafnréttismálum. Þrír æðstu stjórnendur Seðlabanka Íslands væru karlar, auk fjármálaráðherra sem væri karl, nær allir stjórnendur lífeyrissjóða væru karlar, og aðeins 9 prósent framkvæmdastjóra stórra fyrirtækja á Íslandi væru konur.
Sú væri staðan þótt konum hefði fjölgað á Alþingi og tvær konur væru nú bankastjórar stærstu bankanna. Ragnhildur lauk máli sínu með því að segja að jafnrétti kynjanna væri ekki kvennamál, þó svo að nánast allir fundargestir væru konur.
