Óskar ekki sátt­ur við spurn­ing­u Heim­is á Bylgj­unn­i: „Frek­ar fá­rán­leg­ur hugs­un­ar­hátt­ur“

Ljós­myndarinn Óskar Hall­gríms­son sem er bú­settur í Kænu­garði í Úkraínu var á við­tali í Bítinu hjá Heimi Karls­syni á Bylgjunni um stöðu mála í Úkraínu. Óskar var hins vegar ekki par sáttur við eina spurninguna sem hann fékk og greindi frá því á Face­book síðu sinni.

„Ég var í við­tali við morgunút­varp Bylgjunnar í morgun og ég fékk spurninguna "Ef það er eins og þú segir að tug þúsunda eiga eftir að farast í þessum komandi á­tökum, af­hverju ekki bara að gefa eftir Donbas?",“ skrifar Óskar og merkir Heimi í færslunni.

„Ég skil hvaðan þetta kemur, en með fullri virðingu fyrir þér Heimir Karls þá er þetta frekar fá­rán­legur hugsunar­háttur. Ég veit að þessi sama spurning er á vörum margra heima og þess­vegna þess virði að spyrja þessarar spurningar ... En Úkraína á ekki að þurfa að annars­vegar gefa neitt eftir og hins­vegar hefur FULLAN rétt á að vernda þau land­svæði sem Úkraína á. Þetta er þeirra heima­land, með þeirra ríkis­borgurum í miðri inn­rás af er­lendri þjóð. Þjóð sem hefur sýnt það núna greini­lega að þeir séu hrottar og villi­menn. Hóp­nauðgarar og morðingjar.“

Að sögn Óskars hefur enginn þeirra staða og land­svæða sem Rússar hafa her­tekið í Úkraínu sloppið við stríðs­glæpi og því senni­legt að sama yrði uppi á teningnum í Donbas.

„Úkraína er ekki á­rása­r­aðilli hér og eiga ekki að þurfa að rétt­læta að þau séu að verja sitt land. Það að segja að Zelen­sky geti bara lúffað undan þessu og bara gefið eftir land­svæðin til þess að bjarga mans­lífum er fá­rán­legt,“ skrifar Óskar.

Heimir Karls­son svaraði færslu Óskars og sagði að maður ætti ekki að vera hissa á spurningum sem þessum.

„Þetta er eins og þú segir Óskar, spurning sem margir eru að velta fyrir sér og því eðli­legt að spyrja hennar. Svo bendi ég bara á einu sinni enn, að þær spurningar sem við spyrjum þurfa sko alls ekki að endur­spegla okkar eigin skoðanir. Svo get ég vel í­myndað mér að fyrir leið­toga eins og Selen­sky i þessu til­felli, að hann velti þessu fyrir sér með manns­lífin í huga en svo skil ég vel að láta ekki kúga sig. En spurningin er alveg ,,valid" og þarf enginn að vera hissa á henni!“ skrifar Heimir.