Ýmsar áleitnustu spurningar heimsins velta að því hvað er að gerast í Norður-Kóreu eins og sakir standa og hvað Kína kunni að aðhafast utan landamæra sinna næstu misseri.
Hugsanleg stríðsógnun í alvarlegum skilningi er fyrir hendi á Kóreuskaganum. Flóknari er staðan þar ekki.
Stofnað var til stjórnmálasambands Íslands og Norður-Kóreu í apríl 1982. Samskipti ríkjanna eru samt sáralítil enda fátt sem kallar á náin samskipti.
En dragi til tíðinda á Kóreuskaganum eru líkur á að Ísland komist ekki hjá því að taka skýra afstöðu með Suður-Kóreu og bandamönnum hennar Japan og Bandaríkjunum.
Það mun Kínverjum þykja mjög miður. Án þess þó að gera mikið veður út af því.
Kinverjar muna að árið 1931 gerðu Japanar innrás í Norður-Kína frá Kóreuskaganum. Þetta eru ráðamenn í Beijing nú að rifja upp fyrir kínversku þjóðinni þegar hugsanlegt er að stríð brjótist út á Kóreskaganum.
Kínverskum ráðamönnum reynist auðvelt að telja Kínverjum trú um að Bandarikjamenn og Japanar og Suður-Kóreumenn hafi í hyggju að ráðast fyrst inn í Norður-Kóreu og þessu næst inn í Kína - eftir sömu leið og árið 1931 frá Kóreu til Mansjúríu rétt eins og Japanar gerður fyrir áttatíu og sex árum.
Kínversk dæmisaga frá árinu 1950 hefur nú verið rifjuð upp í Kína. Myndu Bandarikjamenn sætta sig við að \"alþjóðaher\" með stuðningi Rússa færi frá Kúbu yfir Mexíkó í áttina til Texas ríkis? Þessa dæmisögu skilja Kínverjar mætavel.
Kina mun ekki líða að ráðist verði á Norður-Kóreu af fyrra bragði. Kína þarf Norður-Kóreu sem stuðara sinn í suðri. Þess vegna geta Norður-Kóreumenn með fulltingi Kína boðið stórveldunum tveimur byrginn.
