„Þessi vírus er alvöru og hann virðist miklu hættulegri en venjuleg flensa, þrátt fyrir að vera oft líkt við hana,“ segir Gísli Marteinn Baldursson, sjónvarpsmaður og fyrrverandi borgarfulltrúi.
Gísli Marteinn birtir mynd á Twitter þar sem borin er saman dánartíðnin vegna annars vegar hefðbundinnar flensu og hins vegar vegna COVID-19 kórónuveirunnar. Myndin er frá vefmiðlinum Business Insider og eru tölurnar fengnar frá Miðstöð sóttvarna í Bandaríkjunum (CDC).
Á myndinni má sjá greinilega að dánartíðnin vegna COVID-19 er töluvert hærri í öllum aldurshópum.
„Ekki bara hjá elstu hópunum sem eru í mestri lífshættu. Líka hjá okkur hinum. Hálft % í dánartíðni er ógeðslega mikið. Þessar tölur geta breyst en eru miðað við bestu upplýsingar,“ segir Gísli Marteinn á Twitter.
Myndina má sjá hér að neðan:
