Þórður Gunnarsson vekur athygli á sérkennilegu bréfi sem stuðningsmenn FH sendu frá sér þar sem bæjarfélagið og auðmenn eru hvattir til að loka snemma til þess að auðvelda stuðningsmönnum að komast á leik liðsins um kvöldið.
Bæjarfélagið er hvatt til þess að loka skrifstofum, stofnunum og skólum snemma til að auðvelda harðduglegu starfsfólki að komast á leikinn gegn Leikni í Bestu deild karla .
Þá hvetja þeir auðmenn til að loka verksmiðjum sínum fyrr þennan daginn til þess að vinnandi stéttir geti veitt FH stuðning sinn.
Í því samhengi veltir Þórður því fyrir sér hvenær þýski heimspekingurinn Karl Marx gerðist FH-ingur.
Velgjörðarmenn félagsins séu búnir að bjóðast til þess að bjóða upp á ókeypis aðgöngumiða á leikinn til að vega upp á móti því vinnutapi sem alþýðan verði fyrir af þessum sökum.
vissi ekki að karl marx væri svona harður FH-ingur pic.twitter.com/Z8hz6LnaxK
— þórður gunnarsson (@doddeh) October 9, 2022
