„Minnst 156 létust og fleiri hundruð særðust í röð sprengjuárása á kirkjur og hótel á Sri Lanka í morgun. Sprengingarnar voru sex talsins. Þrjár í vinsælum lúxushótelum í höfuðborginni Kólombó, ein í kirkju í Kólombó, önnur í kirkju í borginni Negombo norður af höfuðborginni og ein til viðbótar í kirkju í borginni Batticaloa í austurhluta landsins.“ RÚV greinir frá
Páskamessur stóðu yfir í kirkjunum þegar sprengjurnar sprungu. AFP fréttastofan hefur eftir ónafngreindum heimildarmanni í lögreglunni að minnst 45 hafi látið lífið í árásunum í Kólombó, 67 í árás á kirkjuna í Negombo og minnst 25 í árásinni á kirkjuna í Batticaloa.
Þá hefur Ranil Wickremesingh, forsætisráðherra Sri Lanka, fordæmt hryðjuverkin og kallar ódæðismennina hugleysingja.
„. Á þessum erfiðu tímum, bið ég alla íbúa um að standa saman og sýnum styrk.“
Nánar má lesa um hryðjuverkin á RÚV.
