Við erum vön því að salta matinn af gömlum vana en við ættum að láta það alveg vera. Flestir Íslendingar neyta meira af salti en mælt er með án þeirra vitundar, ástæðan fyrir því er sú að saltið er dulið í matvörum, því verður að lesa á umbúðir. Af því salti sem við innbyrgðum kemur mest af því frá tilbúnum matvörum og skyndibitum. En einnig eru mikið unnin matvæli yfirleitt saltrík eins og unnar kjötvörur, snakk, sósur, pakkasúpur og ostur.
Söltun hefur lengi verið notuð til að lengja geymsluþol en þar sem salt bindur vökva í líkamanum hækkar blóðþrýstingurinn við mikla saltinntöku. Háþrýstingur er einn af áhættuþáttum hjarta- og æðasjúkdóma og einnig tengist mikil saltneysla auknum líkum á magakrabbameini. Langvarandi háþrýstingur eykur líkur á hjartaáfalli og heilablóðfalli og þar með hækkar dánartíðni af völdum hjartasjúkdóma og heilablóðfalls
Ráðlagður dagsskammtur af salti
Ráðlagt er að fullorðnir borði ekki meira en 6 gr af salti á dag og hjá börnum 2 til 9 ára á saltneysla ekki að fara yfir 2 – 4 gr á dag. Þegar lesið er á umbúðir þá má gróflega miða við að 100gr af vöru á ekki að innbyrgða meira en 1,25 gr af salti. Best er að kanna hvort að matvaran sé merkt skráargatinu, þær vörur innihalda yfirleitt minna salt. Flestar fæðutegundir frá náttúrunnar hendi eins og grænmeti og ávextir innihalda lítið af salti.
Söltun er óþörf
Í staðin fyrir að salta matinn má nota hvítlauk, engifer, sítrónu, jurtir eða krydd, en muna að kryddblöndur innihalda oft salt. Prufaðu að smakka matinn áður en þú saltar, oft er þetta bara vani og alger óþarfi. Með minna salti í matnum er hægt að finna upprunalegt bragð hráefnanna betur, einnig er mælt með að gufusjóða grænmeti fremur en að sjóða það, þá helst betur bragðið af grænmetinu og minni þörf fyrir salt. Saltnotkun verður einnig minni ef saltað er eftir að maturinn er kominn á diskinn og búið að elda hann.
