„mikilvæg viðvörun til mannkyns um í hvað stefnir“

„Þarna er dreg­in upp mjög al­var­leg mynd. Þetta er mik­il­væg viðvör­un til mann­kyns um í hvað stefn­ir. Ef fram held­ur sem horf­ir blas­ir við okk­ur hnign­un líf­rík­is­ins og vist­kerf­anna sem við byggj­um af­komu okk­ar á.“

Þetta segir Guðmund­ur Ingi Guðbrandsson, umhverfis- og auðlindaráðherra í sam­tali við Morgun­blaðið í dag, og vísar til nýrrar skýrslu á vegum Sameinuðu þjóðanna um vistkerfi jarðar. Niðurstöður skýrslunnar voru kynntar í gær og þar var greint frá því að vistkerfum jarðar hraki hraðar en áður var talið. Kom meðal annars fram að um milljón tegundir af þeim átta milljónum sem þekktar eru á jörðinni séu í útrýmingarhættu.

Guðmundur Ingi segir að eyðilegg­ing á búsvæðum fjölda líf­vera og vist­kerf­um eigi stærst­an þátt í þess­ari hnign­un og að bein nýt­ing og lofts­lags­breyt­ing­ar hefðu einnig áhrif. Auk þess hafi mengun og ágeng­ar fram­andi teg­und­ir áhrif.

„Það er mik­il­vægt að ráðast í aðgerðir þar sem við tryggj­um frek­ari vernd búsvæða og vist­kerfa, sjálf­bæra nýt­ingu auðlinda og end­ur­heimt fyrri gæða vist­kerf­anna. Þetta er leiðar­stefið sem þarf að hafa í huga þegar við horf­um til mark­miðssetn­ing­ar fyr­ir árið 2030,“ bætir hann við og bendir á að Norður­lönd­in hafi beitt sér fyr­ir metnaðarfull­um mark­miðum að frum­kvæði Íslend­inga. Álykt­un þess efn­is hafi verið samþykkt á fundi nor­rænu um­hverf­is­ráðherr­anna í Reykja­vík í apríl.

Guðmundur Ingi segir að tíma­setn­ing skýrsl­u SÞ sé engin til­vilj­un. Á næsta ári þurfi að taka ákv­arðanir um mark­mið alþjóðlegs samn­ings um vernd líf­rík­is­ins og líf­fræðilegr­ar fjöl­breytni til árs­ins 2030 og telur hann skýrsl­una vera mik­il­vægt inn­legg í þá umræðu.