MMR hefur birt niðurstöður könnunar á afstöðu landsmanna gagnvart #MeToo umræðunni.
Helstu niðurstöður eru þessar:
- Af aðspurðum sögðust tæplega 71% telja #MeToo umræðuna vera jákvæða fyrir íslenskt samfélag en 13% töldu hana neikvæða.
- Konur (82%) voru líklegri en karlar (60%) til að telja umræðuna jákvæða en 46% kvenna sögðust telja hana mjög jákvæða fyrir samfélagið.
- Íbúar höfuðborgarsvæðisins (74%) voru jákvæðari gagnvart #MeToo umræðunni heldur en þeir sem búsettir voru á landsbyggðinni (64%).
- Stuðningsfólk Samfylkingar (87%) og Vinstri grænna (91%) var líklegast allra til að telja #MeToo umræðuna vera jákvæða fyrir íslenskt samfélag. Þá var stuðningsfólk Miðflokks (32%), Sjálfstæðisflokks (22%) og Flokks fólksins (16%) líklegast til að segja umræðuna neikvæða fyrir samfélagið.
Könnunin var framkvæmd dagana 16. til 22. maí 2018 og var heildarfjöldi svarenda 929 einstaklingar, 18 ára og eldri.
