Mengun frá nýafstöðnu eldgosi í Holuhrauni var meiri en sem nam útblæstri mengunarefna frá öllum löndum Everópusambandsins á þeim þeim tíma sem gosið varði, en það hófst 31. ágúst á síðasta ári og stóð því í rétt tæpt hálft ár. Gosið spúði mgríðarlegu magni af brennisteinstvíoxíði upp á yfirborðið og er mat vísindamanna sem hafa verið að vinna úr gögnum mæla á svæðinu að magn eiturefnanna hafi verið fjórum til fimm sinnum meira en öll Evrópa lætur frá sér fara á sama tímaskeiði.
Magn eiturefnanna úr Holuhrauni kemur ef til vill ekki á óvart því gosið sjálft skilaði um 1.4 rúmkílómetrum af hrauni sem þekur um 85 ferkílómetra. Er þetta því langstærsta hraungos á Íslandi frá Skaftáreldum á 18. öld og reyndar er ekkert eldgos síðan þá sem hefur skilað eins miklu magni af gosefnum.
Halldór Runólfsson yfirdýralæknir sem var fundarstjóri á málþingi í gær á vegum almannavarnadeildar Ríkislögreglustjóra, Bændasamtakanna og atvinnu- og nýsköpunarráðuneytisins segir að ekki sé ástæða til að óttast stórvægileg áhrif gossins á gróðurfar og dýralíf þó of snemmt sé að fullyrða um það. Mikil og tíð óveður ásamt hressilegum leysingum hafi náð að hreinsa loftið og skila burt efnum í meira mæli en menn þorðu að vona í fyrstu. Öll óveðrið hafi því langt í frá verið hábölvuð.
