Guðmundur Ingi Guðbrandsson, umhverfis- og auðlindaráðherrakveðst vona að tími megnandi stóriðju á Íslandi tilheyri brátt sagnfræðinni. Þessi orð hans féllu við setningu ársfundar Umhverfisstofnunnar í morgun, en þae sagði hann mikilvbægt að læra af fortíðinni og tók þar kísilverksmiðju United Silicon í Helguvík sem dæmi.
Hann sagði fjármálaáætlun ríkisstjórnirnar til næstu fimm ára endurspegla áherslur stjórnarsáttamálans og sagðist sjálfur hafa beitt sér fyrir því að fá fjármunir sem nota eigi í langtímastefnumótun í loftslagsmálum. „Slík stefnumótun snýst í grunninn um að breyta hugarfari og neyslumynstri okkar allra.“
Guðmundur talaði um að stefnt væri að hringrásarhagkerfi en það skipti miklu máli að sem minnstur úrgangur myndist. „Hagkerfið dregur úr ofneyslu og við förum að líta á úrgang sem auðlind,“ sagði ráðherra og sagði óþarfa notkun plasts heyra brátt sögunni - og ítrekaði að náttúruvernd yrði í öndvegi á kjörtímabilinu. Ráðist verði í átak í friðlýsingum og þjóðgarður skipaður á miðhálendi Íslands. Þjóðgarðar skili ekki bara tekjum í þjóðarbúið, heldur líka til hinna dreifðu byggða.
Guðmundur ræddi einnig stuttlega lokanir svæða en til að mynda var svæði meðfram Fjaðrárgljúfri lokað í vor. Hann sagði að í fjármálaáætlun kæmi fram að framlög til náttúruverndar yrðu aukin um sjö milljarða á næstu fimm ára. Hluti af því væri í heilsárslandvörslu en eftir því hafi lengi verið kallað.
