Samkvæmt Mail on Sunday myndu 43% Breta kjósa að segja sig úr sambandinu yrði gengið til atkvæðagreiðslunnar nú. 40% vilja vera áfram í ESB og 17% voru óákveðin. Skekkjumörk eru 2%.
Nýja könnunin, sem gerð var af markaðsfyrirtækinu Survation sýnir mikla fylgissveiflu yfir til ESB-andstæðinga en könnun Survation frá því í júlí sýndu allt aðra niðurstöðu, þá vildu 45% vera áfram í ESB en 37% segja sig úr sambandinu.
Þessi umsnúningur gerist þrátt fyrir ákaft ákall forkólfa í bresku viðskipta- og atvinnulífi sem langlfestir geta ekki hugsað þá hugsun til enda að Bretar segi skilið við Evrópusambandið, en þeir halda því fram að það myndi gera efnahagsumhverfi Breta ósamkeppnishæft við þjóðir á meginlandi Evrópu og í raun færa Bretland áratugi aftur í tímann í þessu tilliti.
