Samhliða efnahagsuppgangi síðustu ára hafa utanríkisviðskipti Íslands aukist. Greiningardeild Arion banka er með umfjöllun um þetta í dag.
Aukninguna má rekja til vaxandi innflutnings og margföldun erlendra ferðamanna.
Ekki má gleyma að vöruútflutningur hefur sótt í sig veðrið og það umtalsvert. Þannig hafa gjaldeyristekjur af sjávarafurðum og ýmsum öðrum vörum aukist frá 2010 á föstu gengi.
Á fyrstu tveimur mánuðum þessa árs hélt þessi þróun áfram með vaxandi innflutningi í öllum vöruflokkum ásamt vaxandi vöruútflutningi.
Samdráttur í útflutningi sjávarafurða var vissulega verulegur sökum verkfalls sjómanna.
Í nýútkominni hagspá Greiningardeildar Arion banka er spáð að bæði innflutningur og útflutningur fari áfram vaxandi til ársins 2019.
Spáin gerir ráð fyrir áframhaldandi afgangi af vöru- og þjónustujöfnuði.
Og styrkingu krónunnar!
En ekki þarf ýkja mikið að breytast til þess að afgangur snúist í halla. Þá aukast líkur á veikingu krónunnar.
