Annarri umræðu um frumvarp um aflandskrónulosun og bindingarskyldu á fjármagnsinnstreymi er lokið. Umræður hófust í gær og tóku yfir 19 klukkustundir.
Frumvarpið var samþykkt með breytingartillögum upp úr klukkan átta og gengur það nú til efnahags- og viðskiptanefndar og þriðju umræðu.
Nú klukkan 21:00 mun síðan hefjast fundur efnahags- og viðskiptanefndar, en þar verða staddir, samkvæmt heimildum blaðsins, fulltrúar Seðlabanka Íslands og stendur til að ræða málið þar.
Í umsögn Seðlabankans við frumvarpið sagði að mikilvægt væri að ganga frá því sem fyrst en í gær rann upp gjalddagi ákveðins flokks ríkisskuldabréfa. Við það hafi umfang aflandskrónueigna í lausu fé aukist um nær 70 af hundraði eða sem nemur 25 milljörðum króna.
Nánar á
https://www.frettabladid.is/markadurinn/malofi-loki-og-fundur-me-selabankanum
