Tryggingarstærðfræðileg staða sjóðanna án bakábyrgðar ríkis og sveitarfélaga var jákvæð í árslok 2015. Staða almennra lífeyrissjóða er því nokkuð traust.
Allt öðru máli gegnir hins vegar um tryggingarstærðfræðilega stöðu lífeyrissjóða með bakábyrgð. Hún var neikvæð í árslok 2015. Varla hefur þróunin í fyrra orðið til að bæta hana að ráði. Að minnsta kosti ef tillegg opinberra aðila er undanskilið.
Útlit er fyrir að raunávöxtun íslenskra lífeyrissjóða hafi að jafnaði verið lítil á síðasta ári. Er það vegna styrkingar krónu og rysjóttar tíðar á hlutabréfamarkaði.
Hlutfall erlendra eigna af heildareignum sjóða lækkaði lítillega. Þetta gerist þrátt fyrir veruleg kaup sjóðanna á erlendum fjáreignum á árinu. Góð ávöxtun árin á undan mildar þó áhrif þróunarinnar í fyrra á stöðu sjóðanna.
Er raunávöxtun undanfarin fimm ár væntanlega að jafnaði yfir 3,5% tryggingarstærðfræðilegu viðmiði sjóðanna. Þrátt fyrir slaka ávöxtun í fyrra. Ekki þarf að örvænta um stöðu sjóðanna.
Nána www.islandsbanki.is/morgunkorn
