Mað­ur­inn sem var hand­tek­inn við send­i­ráð­ið tal­inn tengj­ast brun­an­um á Vest­ur­göt­u

Maður í annarlegu ástandi var hand­tekinn fyrir utan Rúss­neska sendi­ráðinu við Tún­götu í Reykjavík dag.

Maðurinn var járnaður á höndum og fótum og þurfti þrjá lögreglumenn til að halda á honum út úr sendiráðinu.
Ekki var vitað hvað manninum gekk til áður en lög­reglan var kölluð út.

Utanríkisráðuneytið staðfestir að Rússneska sendiráðið hafi óskað eftir hjálp lögreglu vegna mannsins.

Maðurinn hefur ekki viljað fara sjálfviljugur og héldu þrír lögreglumenn á manninum. Hann var lagður á magann fyrir utan lögreglubílinn áður en haldið var á honum inn í bílinn.

Fréttablaðið birti myndband af handtökunni í kvöld.

Samkvæmt heimildum Fréttablaðsins tengist maðurinn brunanum sem átti sér stað á horni Vestur­götu og Bræðra­borgar­stígs í dag.

Rússneska sendiráðið vill ekki tjá sig um málið.