Logi bergmann: „og aft­ur: þetta má í svíþjóð.“

„Það leik­ur eng­inn vafi á því að það rík­ir mikið frelsi á Íslandi. Sama hvernig það er mælt, þá má alltaf sjá Ísland í einu af efstu sæt­un­um. Sem er nátt­úr­lega frá­bært enda er frelsið ynd­is­legt.“

Þannig hefst pistill eftir Loga Bergmann í Morgunblaðinu. Þar gagnrýnir Logi Landlækni harðlega sem er á móti frumvarpi um breytingar á lyfjalögum. Verði frumvarpið samþykkt þýðir það að hægt verði að kaupa sum verkjalyf í stór­mörkuðum, þá væg­ari verkjalyf á borð við Panodil og Paratabs, of­næm­is­lyf og maga­lyf. Allt lyf sem fást án lyf­seðils í apó­teki.

Logi segir:

„Það er meira að segja þannig að Lyfja­stofn­un hef­ur loka­orðið um það hvaða lyf megi selja. Þannig að það er ekki eins og menn geti bara mætt með sendi­bíl í búðir og byrjað að selja hvað sem er.

Ég verð að segja að ég skil ekki al­veg pæl­ing­una. Þessi lyf er hægt að kaupa í apó­teki án lyf­seðils. Þeim fylgja nokkuð ít­ar­leg­ar leiðbein­ing­ar með jafn­vel fjar­læg­ustu mögu­leik­um á auka­verk­un­um og mörg þeirra eru þannig að þú get­ur keypt eins mikið og þú vilt í apó­teki. Í þeim til­vik­um þar sem þau eru skömmtuð er ekk­ert sem kem­ur í veg fyr­ir að þú rölt­ir yfir í næsta apó­tek til að kaupa meira.“

Þá kemur Logi með þessa samlíkingu:

„Ef flug­vél­ar kæmu fram á sjón­ar­sviðið í dag, mynd­um við leyfa þær? Mynd­um við ekki fyrst og fremst hugsa að þetta séu nú ótta­lega hættu­leg tæki þar sem fólk er lokað í litlu rými og get­ur enga björg sér veitt ef eitt­hvað fer úr­skeiðis. Og fyr­ir utan það: Hver skil­ur hvernig þessi ferlíki hald­ast í loft­inu? Ekki ég.“

Logi bendir jafnframt á að hann geti gengið „inn í og keypt mér orku­drykki í kassa­vís og nógu mörg kart­on af síga­rett­um til að reykja mig græn­an.

En ég get ekki keypt mér Panodil og Nezeril í búð. Ekki ef land­lækn­ir fær að ráða. Ekki á Íslandi en nán­ast hvar sem er annars staðar í heim­in­um. Meira að segja í Svíþjóð er hægt að kaupa lausa­sölu­lyf í venju­leg­um búðum. Svíþjóð! Er ekki til ein­hver regla í heil­brigðri skyn­semi sem seg­ir okk­ur að ef Sví­ar leyfi eitt­hvað, þá geti það ekki verið hættu­legt?“

Þá segir Logi í lokin:

„Og aft­ur: Þetta má í Svíþjóð.“