Lilja Alfreðsdóttir, mennta-og menningarmálaráðherra, segir í samtali við Morgunblaðið að hún hefði viljað fullt gagnsæi í ferlinu við ráðningu útvarpsstjóra. Í skriflegu svari til Morgunblaðsins tekur hún fram að það sé stjórn RÚV sem stýri ráðningarferlinu en ekki hún. Við ráðningu á nýjum útvarpsstjóra var haldið leyndu hverjir sóttu um stöðuna og þá neitaði stjórn RÚV að rökstyðja val sitt á Stefáni Eiríkssyni.
Bæði Kolbrún Halldórsdóttir og svo Kristín Þorsteinsdóttir sem sóttu um stöðuna eru ósáttar og hafa óskað eftir upplýsingum um ráðningarferlið. Kolbrún íhugar að kæra ráðningu á Stefáni Eiríkssyni í stöðuna, til kærunefndar jafnréttismála. Lilja segir í skriflegu svari til RÚV.
„Ráðning í stöðu útvarpsstjóra liggur alfarið á borði stjórnar RÚV sem er kosin af Alþingi Íslendinga. Það hefur þegar komið fram í þessu máli að ég hefði kosið fullt gagnsæi í ráðningarferlinu öllu og það á líka við um ákvörðun stjórnar að rökstyðja ekki.“
