Leoncie hrósar Will Ferrell fyrir ná­kvæma lýsingu á Ís­lendingum: „Úr­kynjað ís­lenskt sifja­spell er mjög, mjög raun­veru­legt“

Tón­listar­konan Leoncie var yfir sig hrifin af Euro­vision mynd Will Ferrell, Fire Saga, og lýsti því yfir að um væri að ræða full­komna lýsingu á Ís­lendingum og ör­væntingar­fullum til­raunum þeirra til að verða heims­frægir. „Sem þeir munu aldrei verða,“ skrifaði söng­konan á Face­book í dag.

Þá tók hún einnig fram að fjöldi ís­lenskra tón­listar­manna hafi í gegnum tíðina gerst sekir um að stela lögunum hennar, sem og öðrum frægum lögum. „Vegna þess að þeir hafa enga hæfi­leika og fá að­eins verð­laun með því að veita mútur.“

Gegnumsýrt af spillingu

Ís­lenski tón­listar­bransinn er að hennar mati gegnum­sýrður af spillingu og frænd­hygli sem er til komið vegna sifja­spella. „Úr­kynjað ís­lenskt sifja­spell er mjög, mjög raun­veru­legt,“ í­trekaði Leoncie.

„Will Ferrell hefur dregið upp full­komna mynd af ör­væntingar­fullu ís­lensku Euro­vision hermi­krákunum. Hann ætti að fá heims­verð­launin.“ Söng­konan lýsti einnig ósk sinni um að næsta mynd Ferrells fjallaði um spillinguna sem þrífst hér á landi. Hægt er að sjá færsluna í heild sinni hér að neðan.