Lenya Rún Taha Karim, varaþingmaður Pírata, undrar sig á siðareglum laganema á lesstofu þeirra í Háskóla Íslands.
Hún greinir frá málinu á Twitter-síðu sinni og spyr, „Afhverju hata laganemar gellur?“
Lenya segist hafa fengið áminningu frá varalesstofustjóra nr. 4 vegna láta í henni og nöglunum hennar með vísan í siðareglurnar.
Í myndinni af siðareglunum sem Lenya setur á Twitter má sjá hluta af reglunum.
Meðal þess sem kemur fram er að leysa vind sé á tæpu vaði og er nemendum bent á að fara helst á klósettið til þess. Þá er skylda að bryðja brjóstsykur hátt og bannað að stela, nú auðvitað nema hjörtum.
Má ætla að siðareglurnar séu að einhverjum hluta gott grín meðal nemenda.
Afhverju hata laganemar gellur? Þess má geta að ég var vissulega að fá áminningu frá 4. varalesstofustjóra lesstofu laganema um lætin í mér og nöglunum mínum með vísan til þessara siðareglna. pic.twitter.com/Fjt0gENLYQ
— Lenya Rún (@Lenyarun) March 3, 2022
