Danmörk, sem fullkomnaði alslemmu Norðurlandanna á toppi jafnréttislistans í fyrra, fellur hins vegar niður í fjórtánda sæti í ár, að því er segir í sömu frétt, en þar er bent á að við röðun ríkja heims á jafnréttislistann sé horft til fjögurra lykilþátta: Efnahags, þar á meðal launajafnréttis, menntunar, heilbrigðisþjónustu og stjórnmálaþátttöku.
Samkvæmt þessari nýjustu skýrslu Alþjóða efnahagsstofnunarinnar um kynjahallann í heiminum eru laun kvenna nú sambærileg við laun karla árið 2006. Svo virðist sem hægst hafi á jöfnun hins kynbundna launamunar á undanförnum árum, um leið og bæði atvinnuþátttaka og menntun kvenna hefur aukist hröðum skrefum. Útivinnandi konum hefur fjölgað um 250 milljónir á síðustu tíu árum. Í 98 löndum, þar á meðal á Íslandi, eru konur nú í meirihluta þeirra sem stunda og ljúka háskólanámi. Það hefur hins vegar ekki skilað sér nema að takmörkuðu leyti í launum og fjölgun kvenna í áhrifastöðum í stjórnmála- og atvinnulífi viðkomandi landa.
Sterk staða Norðurlandanna á listanum, ár eftir ár, er meðal annars rakin til ríkjandi stefnu á sviði fjölskyldumála, að því er BBC hefur eftir Saadia Zahidi, aðalhöfundi skýrslunnar. Hún segir hvergi betur búið að börnum, auk þess sem löggjöf þessara landa um faðerni, móðerni og fæðingarorlof sé öðrum fremri. Írland er í fimmta sæti listans, sem nær til 145 landa, svo senn sé vitnað í frétt RÚV um þennan málaflokk.
