Lundúna samkomulagið um strandfiskveiðar frá árinu 1964 er senn dauður bókstafur. Stóra-Bretland gerði þetta samkomulag sem heimilar takmarkaðar fiskveiðar nærri ströndum landsins.
Sjómenn frá Hollandi Írlandi Þýskalandi Frakkland og Belgíu geta stundað takmarkaðar strandveiðar í breskri landhelgi á milli sex og tólf mílna marka og öfugt því þetta er gangkvæmt samkomulag. Breskir fiskmenn geta því stundað strandveiðar í landhelgi annarra aðildaríkja samkvæmt þessu samkomulagi.
Bretar ráðgera tveggja ára aðlögun þar til riftunin verður virk. Ráðherra í ríkisstjórn Theresa May forsætisráðherra segir þessa riftun tengjast áformum um útgöngu landsins úr Evrópusambandinu (ESB).
Sex þúsund veiðiskip eru lögskráð í breska fiskveiðiflotann. Þessi skip landa rúmum sjö hundruð þúsund tonnum á hverju fiskveiðiári. Aflaverðmæti telst vera um átta hundruð milljónir breskra punda. Erlendum veiðiskipum er heimild samkvæmt Lundúna samkomulaginu að veiða tíu þúsund tonn og er verðmæti þess afla einar sautján milljónir punda.
Oddvitar breskra útgerða fagna þessari ákvörðun sem þeir segja endurvekja full yfirráð Breta yfir fiskimiðum þeirra og næsta skref Breta sé að hætta þátttöku í sameiginlegri fiskveiðistefnu ESB við útgöngu úr sambandinu.
Stjórnmálaskýrendum ber ekki saman um hvað vakir fyrir bresku stjórnvöldum. Einhliða uppsögn milliríkjasamninga um gagnkvæmar fiskveiðar lýsi ekki vilja til samstarfs um fiskveiðar út til dæmis stofnum sem synda að vild inn og út úr efnahagslögsögum strandríkja.
rtá
Nánar www.theguardina.com
